नाबालिग बलात्कृत घटनामा एलओडीका सञ्चालक सुवाल पक्राउ

काठमाडौं । नाबालिग बलात्कृत घटनामा काठमाडौं ठमेलस्थित नाइट क्लब एलओडी (लर्ड अफ द ड्रिंक्स) का सञ्चालक राजु सिंह सुवाल पक्राउ परेका छन् ।

बिहीबार जिल्ला प्रहरी परिसर ललितपुरले सञ्चालक सुवाललाई बालुवाटारबाट पक्राउ गरेको हो ।

केही दिनअघि एलओडीमा गएकी एक १६ वर्षीय बालिका बलात्कृत भएको घटना सार्वजनिक भएपछि उक्त विषयमा अनुसन्धान गनर्ए उनलाई पक्राउ गरिएको प्रहरीले जनाएको छ ।

असार १३ गते नै ललितपुर जिल्ला अदालतबाट क्लबका दुईजना सञ्चालक रुदिल श्रेष्ठ र राजुसिंह सुवालविरुद्ध पक्राउ पुर्जी जारी भएको थियो ।

एलओडी पुगेकी बालिकालाई ५० वर्षीय सुदन कोइरालाले बागडोल पुर्याएर बलात्कार गरेको प्रहरीले जनाएको छ ।