प्रधानमन्त्री प्रचण्ड आज स्वदेश फर्किंदै

काठमाडौं । प्रधानमन्त्री प्रचण्ड आज स्वदेश फर्किंदैछन् । गत जेठ १७ गते चार दिने भारत भ्रमणमा गएका प्रचण्ड विभिन्न महत्वपूर्ण भेटघाट र सम्झौता गरी आज स्वदेश फर्किन लागेका हुन् ।

प्रधानमन्त्री प्रचण्ड शुक्रबार भारतको मध्य प्रदेशको इन्दोर पुगेका छन् । उनी आज त्यहाँको विशेष आर्थिक क्षेत्रको भ्रमण सकेर दिल्ली फर्किने छन् । दिल्लीबाट अपराह्न ४ : २० नेपाल एयरलाइन्सको उडानबाट काठमाडौं फर्किने कार्यक्रम तय भएको छ।

प्रचण्डले भ्रमणका क्रममा प्रधानमन्त्री नरेन्द्र मोदी, राष्ट्रपति द्रौपदी मुर्मुलगायतसँग भेटवार्ता गरिसकेका छन् ।