प्रधानमन्त्री प्रचण्ड भारतको नयाँदिल्लीमा, राज्यमन्त्री लेखीले गरिन् स्वागत
नमुनापत्र संवाददाता१७ जेष्ठ २०८०, बुधबार १८:२४
काठमाडौं । चार दिने भारत भ्रमणका लागि प्रधानमन्त्री प्रचण्ड भारतको राजधानी नयाँदिल्ली पुगेका छन् ।
नयाँदिल्लीको इन्दिरा गान्धी अन्तर्राष्ट्रिय विमानस्थलमा प्रधानमन्त्री प्रचण्डलाई संघीय विदेश मामिला तथा संस्कृति राज्यमन्त्री मीनाक्षी लेखीले स्वागत गरेकी छन्।
दिल्लीमा प्रधानमन्त्री प्रचण्डले बिहीबार भारतीय समकक्षी नरेन्द्र मोदीसँग हैदरावाद हाउसमा द्विपक्षीय वार्ता गर्ने छन्।
द्विपक्षीय वार्तापछि दुई देशबीच केही समझदारी र सम्झौतामा हस्ताक्षर हुनेछ। दुबै प्रधानमन्त्रीले पत्रकार सम्मेलनमा सम्बोधन गर्ने कार्यक्रम पनि छ।
दिल्लीमा राजनीतिक भेटघाट सकेर प्रधानमन्त्री प्रचण्ड मध्य प्रदेशको उज्जैन जाने कार्यक्रम छ।
प्रधानमन्त्री प्रचण्ड जेठ २० गते स्वदेश फर्कने छन्।
