प्रधानमन्त्री प्रचण्ड आज भारत भ्रमणमा जाँदै

काठमाडौं । प्रधानमन्त्री प्रचण्ड आज चारदिने भारत भ्रमणमा जाँदैछन् । प्रधानमन्त्री भएपछि प्रचण्ड पहिलो पटक विदेश भ्रमणमा भारत जान लागेका हुन् ।

भ्रमण टोलीमा प्रधानमन्त्री प्रचण्ड , भौतिक पूर्वाधारमन्त्री प्रकाश ज्वाला , ऊर्जा, जलस्रोत तथा सिँचाइमन्त्री शक्ति बहादुर बस्नेत, परराष्ट्र एनपी साउँद, अर्थ प्रकाश शरण महत र उद्योगमन्त्री रमेश रिजाल सहित ४७ जनाको प्रतिनिधिमण्डल रहनेछ।
प्रधानमन्त्री प्रचण्ड नेतृत्वको टोली जेठ २० गते स्वदेश फर्किनेछ ।