उपनिर्वाचनका लागि आजबाट दल दर्ता सुरु

काठमाडौं । आगामी वैशाख १० गतेका लागि तय भएको उपनिर्वाचनका लागि आजबाट दल दर्ता प्रक्रिया सुरु भएको छ । निर्वाचन आयोगले प्रतिनिधि सभा सदस्यको उपनिर्वाचनका लागि आजबाट दल दर्ता गर्न लागेको हो ।

यही चैतको १२ गतेसम्म दल दर्ता गरिसक्न आयोगले सूचना जारी गरेको छ । त्यसपछि अरु प्रक्रिया सुरु हुने आयोगले जनाएको छ ।

विभिन्न कारणले रिक्त भएका तीन प्रतिनिधि सभा सदस्य पदका लागि वैशाख १० मा उपनिर्वाचन हुँदैछ । तनहुँ-१, बारा-२ र चितवन-२ मा प्रतिनिधि सभा सदस्यका लागि उपनिर्वाचन हुन लागेको हो ।