बारामा गोली हानी भारतीय युवकको हत्या

वीरगञ्ज । बारामा गएराती गोली प्रहारबाट भारतीय एक युवकको हत्या भएको छ ।

मोतिहारी जिल्ला दर्पाथाना सुक्लहियाका २२ वर्षीय अजितकुमार सिंहमाथि बाराको पचरौता नगरपालिका–६ लक्ष्मिनियामा गोली प्रहार भएको थियो ।

बाराका प्रहरी प्रवक्ता डिएसपी ददिराम न्यौपानेका अनुसार मृतक सिंह साथीहरुसँग मोटरसाइकल चढेर नेपाल आएको बेला उनको हत्या भएको हो ।

प्रारम्भिक अनुसन्धान अनुसार उनका साथीले उनीमाथि गोली चलाएको प्रहरीले जनाएको छ । घटनाको बारेमा थप अनुसन्धान भइरहेको प्रहरीले जनाएको छ ।