पानी डुबेर एक व्यक्तिको मृत्यु

दाङ । दाङमा पानीमा डुबेर एक जनाको मृत्यु भएको छ । शान्तीनगर गाउँपालिका-७ सानो-तुलसीपुर निवासी ६१ वर्षीय केशव थापाको पानीमा डुबेर मृत्यु भएको हो ।

थापा घरबाट करिब २०० मिटर दक्षिणमा रहेको माध्यमिक विद्यालय सानो-तुलसीपुरको पूर्वपट्टिको धारामा पानी जमेको नालीमा घोप्टो परी मृत अवस्थामा फेला परेको इलाका प्रहरी कार्यालय तुलसीपुरका प्रवक्ता प्रहरी निरीक्षक प्रकाश थापाले जानकारी दिनुभयो ।

उहाँका अनुसार आलिबाट लडेर पानीमा डुबेर मृत्यु भएको अनुमान गरिएको छ । प्रहरीले घटनाबारे थप अनुसन्धान गरिरहेको छ ।