इजरायल–गाजा युद्धविरामका लागि लण्डनमा प्रदर्शन

काठमाडौँ । इजरायल र गाजापट्टी द्वन्द्वमा युद्धविरामको अपिल गर्दै बेलायतको राजधानी लण्डनमा विशाल प्रदर्शन भएको छ ।

लण्डनको मेट्रो पुलिसका अनुसार युद्धविरामका लागि आह्वान गर्दै तीन लाख प्यालेस्टिनी समर्थकहरूले प्रदर्शन गरेका हुन् ।

प्रदर्शनका क्रममा १२६ जनालाई प्रहरीले पक्राउ गरेको छ । प्रहरी र प्रदर्शनकारीबीच ठाउँठाउँमा झडप हुँदा केही प्रहरी घाइते भएको बताइएको छ ।

इजरायलले गाजापट्टीमा स्थल तथा हवाइ हमला जारी राखेको छ । पछिल्लो हमलाले गाजाको सबैभन्दा ठूलो अल शिफा अस्पताल क्षतिग्रस्त भएको छ ।